Small Title
مرسته پیاوړتیا بدلون
ګرین لیف فاونډېشن ته ښه راغلاست
مرسته پیاوړتیا بدلون
ګرين ليف فاونډېشن د داسې يوې ټولنې په تکل کې ده چې په کې هر وګړی په ټوله مانا خپله توانايي درک کړي؛ د يو بامفهمومه ژوند څښتن شي، او د ټولنې له نورو غړيو سره مرستندوی اوسي. ګرين ليف فاونډېشن د يو داسې چاپېريال د رامنځته کولو په هڅه کې دی چې په کې ټول ماشومان، ښځې او سړي ارزښتناک، د قدر وړ او د ټولو هغو منابعو درلودونکي وي چې ژوند یې پرې سوکاله کېدای شي.
ګرين ليف فاونډېشن اړمنو خلکو ته هر اړخیزه مرسته او منابع برابروي. ګرین لیف فاونډېشن غواړي چې د مرستې، ځواکمنتيا او عدالتغوښتنې له لارې په ټولنه کې د يو بل منلو، پر ځان د اتکا او د ټولنیزې خیر ښېګڼې هڅې پیاوړې کړي. ګرين لیف فاونډېشن غواړي چې د ټولنې اوسېدونکي داسې پياوړي شي چې مخې ته پراته خنډونه ټول مات کړي، منابعو ته لاسرسی ولري او په خپل شخصي او مسلکي ژوند کې بریالي وي.
ګرين ليف فاونډېشن د یوې داسې ټولنې د جوړولو لپاره هلې ځلې کوي چې هر غړی یې د درناوي، ملاتړ او نازونې وړ وي.
-
د ټولنې غړيو ته د پوهنیزو فرصتونو، مسلکي روزنیزو پروګرامونو، او د مهارتونو د ودې د پروګرامونو برابرول؛
-
د ټولنې غړيو ته د ظرفيتونو لوړولو فرصتونه او پروګرامونه برابرول؛
-
د ټولنې غړيو ته د دنده موندنې په برخه کې روزنیز پروګرامونه برابرول او به دنده موندنه کې یې لاسنیوی او ورسره همکاري کول؛
-
د ټولنې د پیاوړتيا او د غړيو له یو بل سره د تړلتيا په موخه ټولنیز نوښتونه کول، د فرهنګي راکړې ورکړې پروګرامونه جوړول، او د عدالتغوښتنې هڅې کول؛ او
-
یقيني کول چې د ټولنې اوسېدونکي ټولو اړينو منابعو ته لکه پوهنیزې، روغتيايي، قانوني مرستو او ټولنیزو خدمتونو ته لاسرسی لري.
From Our Blog
